பாசிப்பருப்பு பர்பி

தேவையான பொருட்கள்:

வறுத்த பாசிப்பருப்பு மாவு – 1 கப்
சர்க்கரை – 2 கப்
நெய் – 3/4 கப்

செய்முறை:

* சர்க்கரை மூழ்கும் அளவு நீர் விட்டு ஒரு பாத்திரத்தில் ஒற்றை கம்பி பாகு வரும் வரை காய்ச்சவும்.

* இன்னொரு அடுப்பில் சிறு தீயில் நெய்யை சூடாக்கவும்.

* கம்பி பாகு வந்ததும் மாவை கட்டியில்லாமல் தூவி நன்கு கிளறி இறக்கவும்.

* ஒரு கரண்டியால் சூடான நெய்யை மாவில் கொஞ்ச கொஞ்சமாக ஊற்றி நன்கு கெட்டியாகி பாத்திரத்தில் ஒட்டாமல் வரும் போது இறக்கவும்.

* உடனே ஒரு நெய் தடவிய தட்டில் கொட்டி சமப்படுத்தி ஆறிய பிறகு துண்டுகள் போடவும்.

பின்குறிப்பு:

* கடையில் விற்கும் வறுத்த பாசிப்பருப்பு மாவை உபயோகித்தால் நன்றாகயிருக்கும்.

* ஒற்றை கம்பி பதம் என்பது 2 விரல்களுக்கிடையே ஒற்றை இழைபோல வரும். அதுதான் பர்பி செய்ய சரியான பதம்.

* தூளாக வந்த பர்பியை மிக்ஸியில் ஒரு சுற்று சுற்றி லட்டுகளாக பிடிக்கவும்.

Leave a Reply