சத்தான ஜவ்வரிசி – மோர் கஞ்சி

ஜவ்வரிசியில் செய்யப்பட்ட உணவைக் காலையில் எடுத்துக் கொண்டால், அன்று முழுவதும் சுறுசுறுப்பாக இருக்கும். இன்று ஜவ்வரிசி – மோர் கஞ்சி செய்முறையை பார்க்கலாம்.

சத்தான ஜவ்வரிசி – மோர் கஞ்சி
தேவையான பொருட்கள் :

நைலான் ஜவ்வரிசி – அரை கப்,
இஞ்சித் துருவல் – ஒரு டீஸ்பூன்,
கடைந்த மோர் – அரை கப்,
கொத்தமல்லித்தழை – சிறிதளவு,
பச்சை மிளகாய் – ஒன்று,
உப்பு – தேவைக்கேற்ப.

செய்முறை :

* கொத்தமல்லி, ப.மிளகாயை பொடியாக நறுக்கி கொள்ளவும்.

* இஞ்சியை தோல் நீக்கி துருவிக்கொள்ளவும்.

* ஜவ்வரிசியை வெறும் வாணலியில் லேசாக வறுத்து, மிக்ஸியில் ஒன்றிரண்டாக பொடிக்கவும்.

* குக்கரில் தேவையான நீர் விட்டு உடைத்த ஜவ்வரிசி, பச்சை மிளகாய், இஞ்சித் துருவல் சேர்த்து 2 விசில் வரும் வரை வேகவிடவும்.

* விசில் போனவுடன் இறக்கிவைத்து. கடைந்த மோர், உப்பு, கொத்தமல்லித்தழை தூவி பரிமாறவும்.

* சத்தான ஜவ்வரிசி – மோர் கஞ்சி ரெடி.

Leave a Reply