குழந்தைகளுக்கு விருப்பமான ஆலு பட்டூரா

உருளைக்கிழங்கை வைத்து செய்யும் இந்த பட்டூரா சூப்பராக இருக்கும். குழந்தைகளுக்கும் மிகவும் பிடிக்கும். இன்று இந்த ஆலு பட்டூராவை எப்படி செய்வது என்று பார்க்கலாம்.

குழந்தைகளுக்கு விருப்பமான ஆலு பட்டூரா
தேவையான பொருட்கள் :

மைதா அல்லது கோதுமை மாவு – 2 கப்,
உருளைக்கிழங்கு – 250 கிராம்
எண்ணெய், உப்பு – தேவையான அளவு.

செய்முறை:

* உருளைக்கிழங்கை வேகவைத்து நன்றாக மசித்து கொள்ளவும்.

* ஒரு பாத்திரத்தில் மசித்த உருளைக்கிழங்கை போட்டு, சிறிது சிறிதாக மைதா அல்லது கோதுமை மாவு மற்றும் உப்பையும் சேர்த்து மிருதுவான மாவாக பிசையவும். (தண்ணீர் சேர்க்க வேண்டும்).

* பிறகு மாவை உருண்டைகளாக்கி, மைதா மாவில் புரட்டி, சற்று கனமாக பூரிகளாக இடவும்.

* ஒரு கடாயில் எண்ணெயை ஊற்றி சூடானதும் உருட்டி வைத்த பூரியை ஒவ்வொன்றாக போட்டு பொரிக்கவும்.

* ஆலு பட்டூரா ரெடி.

குறிப்பு: மாவைக் கலந்தபின் நீண்ட நேரம் வைக்காமல் உடனே பொரிக்கவும். இல்லைஎன்றால், மாவு தளர்ந்து விடும்.

Leave a Reply