கிரீன் மசாலா சப்பாத்தி செய்வது எப்படி

வாய்க்கு ருசியான சத்து நிறைந்த கிரீன் மசாலா சப்பாத்தி செய்வது எப்படி என்று தான் இன்றைய சமையல் குறிப்பில் தெரிந்து கொள்ளலாம்.

கிரீன் மசாலா சப்பாத்தி செய்வது எப்படி
தேவையான பொருட்கள் :

கோதுமை மாவு – 2 கப்
நெய் – 1 டேபிள்ஸ்பூன்
உப்பு – அரை டீஸ்பூன்
நெய் – எண்ணெய் கலவை – தேவையான அளவு

அரைக்க :

புதினா – 1 கைப்பிடி
கொத்தமல்லி – 1 கைப்பிடி
இஞ்சி – 1 துண்டு
பூண்டு – 2 பல்
பச்சை மிளகாய் – 3
உப்பு – 1 டீஸ்பூன்


செய்முறை :

* புதினா, கொத்தமல்லியை நன்றாக சுத்தம் செய்து கொள்ளவும்.

* அரைக்க எடுத்துள்ள பொருட்களை மிக்சியில் போட்டு நன்றாக அரைத்துகொள்ளுங்கள்.

* ஒரு பாத்திரத்தில் கோதுமை மாவு, அரைத்த விழுது, அதனுடன், நெய், உப்பு தேவையான தண்ணீர் சேர்ந்தது நன்கு மென்மையாக
பிசைந்து அரை மணிநேரம் ஊறவிடவும்.

* பிறகு, இந்த மாவை சிறு உருண்டைகளாக பிரித்து, அதனை சப்பாத்தி கட்டையால் உருட்டி கொள்ளுங்கள்.

* தோசை கல்லை அடுப்பில் வைத்து சூடானதும் உருட்டி வைத்த சப்பாத்திகளை போட்டு சுற்றி எண்ணெய் விட்டு வெந்ததும் திருப்பி போட்டு எடுக்கவும்.

* வாய்க்கு ருசியான கிரீன் மசாலா சப்பாத்தி தயார்.

Leave a Reply