தேங்காய் பால் காய்கறி குழம்பு

காய்கறிகளுடன் தேங்காய் பால் சேர்த்து செய்யும் போது குழம்பு மிகவும் ருசியாக இருக்கும். இப்போது இந்த குழம்பை எப்படி செய்வது என்று பார்க்கலாம்.

தேங்காய் பால் காய்கறி குழம்பு
தேவையான பொருட்கள்:

தேங்காய் – 1
உருளைக்கிழங்கு – 4
கத்திரிக்காய் – 4
முருங்கைக்காய் – 1
எலுமிச்சை – 1/2
பூண்டு – 1
மிளகாய் – 4
மல்லி – 2 டீஸ்பூன்
சீரகம் – 2 டீஸ்பூன்
சோம்பு – 1/2 டீஸ்பூன்
பட்டை – 1
கிராம்பு – 2
ஏலக்காய் – 2
கறிவேப்பிலை – சிறிது
எண்ணெய் – தேவையான அளவு

செய்முறை:

* உருளைக்கிழங்கு, கத்தரிக்காய், முருங்கைக்காயை சமமான துண்டுகளாக வெட்டிக்கொள்ளவும்.

* மிக்ஸியில் மிளகாய், மல்லி, சீரகம் ஆகியவற்றை சேர்த்து, தண்ணீர் ஊற்றி பேஸ்ட் செய்து கொள்ள வேண்டும்.

* தேங்காயை துருவி, மிக்ஸியில் போட்டு, சிறிது தண்ணீர் ஊற்றி நன்கு அரைத்து, வடிகட்டி பால் எடுத்துக் கொள்ள வேண்டும். பின் மீண்டும் அதில் தண்ணீர் ஊற்றி, தனியாக ஒரு பாத்திரத்தில் இரண்டாவது பால் எடுத்துக் கொள்ள வேண்டும்.

* இரண்டாவது பாலில் அரைத்து வைத்துள்ள மிளகாய், மல்லி பேஸ்ட்டை சேர்த்து கலந்து கொள்ள வேண்டும். பின்பு அதில் காய்கறிகளை சேர்த்து, உப்பு சிறிது தூவி, அடுப்பில் வைத்து வேக வைக்க வேண்டும்.

* காய்கறிகளானது வெந்ததும், அதில் முதல் தேங்காய் பாலை ஊற்றி, மஞ்சள் தூள் சேர்த்து கொதிக்க விட வேண்டும்.

* மற்றொரு அடுப்பில் ஒரு வாணலியை வைத்து, அதில் எண்ணெய் ஊற்றி காய்ந்ததும், சோம்பு, பட்டை, கிராம்பு, ஏலக்காய், கறிவேப்பிலை சேர்த்து தாளித்து, பின் குழம்பில் கொட்ட வேண்டும்.

* இறுதியில் அதில் எலுமிச்சையை பிழிந்து இறக்கினால், தேங்காய் பால் காய்கறி குழம்பு ரெடி!!!

Leave a Reply