பட்டாணி பன்னீர் கிரேவி

சப்பாத்திக்கு சைடு டிஷ்ஷாக பட்டாணி பன்னீர் கிரேவி சூப்பராக இருக்கும். இன்று பட்டாணி பன்னீர் கிரேவி எப்படி செய்வது என்று பார்க்கலாம்.

பட்டாணி பன்னீர் கிரேவி
தேவையான பொருட்கள்:

பச்சை பட்டாணி – 1 கப்
பன்னீர் – 100 கிராம்
வெங்காயம் – 2
பூண்டு – 6 பற்கள்
இஞ்சி – சிறிய துண்டு
பச்சை மிளகாய் – 1
மல்லி தூள் – 2 டீஸ்பூன்
கிராம்பு – 2
சீரகம் – 1 டீஸ்பூன்
மஞ்சள் தூள் – 1 டீஸ்பூன்
கரம் மசாலா – 2 டீஸ்பூன்
தக்காளி – 4 (நறுக்கியது)
கொத்தமல்லி – சிறிது
எண்ணெய் – 3 டேபிள் ஸ்பூன்
உப்பு – தேவையான அளவு

செய்முறை :

* பன்னீரை துண்டுகளாக நறுக்கி கொள்ளவும்.

* வெங்காயம், பூண்டு, ப,மிளகாய், கொத்தமல்லி, இஞ்சியை பொடியாக நறுக்கி கொள்ளவும்.

* ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், நறுக்கிய பன்னீரை சேர்த்து பொன்னிறமாக வறுத்து, தனியாக வைத்துக் கொள்ள வேண்டும்.

* பின் அதே வாணலியில் கிராம்பு, சீரகம் சேர்த்து தாளித்து, இஞ்சி, பூண்டு மற்றும் பச்சை மிளகாய் சேர்த்து வதக்கிய பின்னர் வெங்காயத்தைப் போட்டு பொன்னிறமாக வதக்கிக் கொள்ள வேண்டும்.

* வெங்காயம் பொன்னிறமாக வதங்கியதும் தக்காளியை சேர்த்து நன்கு மென்மையாக வதக்க வேண்டும்.

* அடுத்து அதில் மல்லி தூள், மஞ்சள் தூள், உப்பு மற்றும் கரம் மசாலா சேர்த்து, தீயை குறைவில் வைத்து, 5 நிமிடம் கிளறி விட வேண்டும்.

* கலவையானது நன்கு வதங்கியதும், அதில் பச்சை பட்டாணியை சேர்த்து, தண்ணீர் ஊற்றி நன்கு 5 நிமிடம் கொதிக்க விட வேண்டும்.

* பட்டாணியானது நன்கு வெந்ததும், அதில் பன்னீரை சேர்த்து கிளறி, 5 நிமிடம் மூடி வைத்து இறக்கும் போது கொத்தமல்லி சேர்த்து இறக்கவும்.

* சுவையான பட்டாணி பன்னீர் கிரேவி ரெடி!!!

* இதனை சப்பாத்தி, நாண் போன்றவற்றுடன் சேர்த்து சாப்பிடலாம்.

Leave a Reply