சத்தான சுவையான பச்சை பயறு சூப்

பச்சை பயிற்றில் அதிகளவு சத்துக்கள் நிறைந்துள்ளது. பச்சை பயிற்றில் சூப் செய்வது எப்படி என்று பார்க்கலாம்.

சத்தான சுவையான பச்சை பயறு சூப்
தேவையான பொருட்கள் :

பச்சை பயறு – 1/2 கப்
உருளைக்கிழங்கு (நடுத்தர அளவு) – 1
தக்காளி (நடுத்தர அளவு) – 1
வெண்ணெய் – 1 டீஸ்பூன்
பூண்டு – 2 பல்
வெங்காயம் – 1
உப்பு, மிளகுத்தூள் – தேவைக்கேற்ப

செய்முறை :

* வெங்காயம், பூண்டை பொடியாக நறுக்கி கொள்ளவும்.

* பச்சை பயறை 4 முதல் 6 மணி நேரம் வரை ஊற வைத்து, கழுவி, தண்ணீரை வடிகட்டி வைக்கவும்.

* உருளைக்கிழங்கின் தோலை சீவி விட்டு பெரிய துண்டுகளாக வெட்டிக் கொள்ளவும்.

* தக்காளியையும் பெரிய துண்டுகளாக வெட்டிக் கொள்ளவும்.

* ஒரு பிரஷர் குக்கரில் ஊற வைத்த பயறு, உருளைக்கிழங்கு, தக்காளி, 3 கப் தண்ணீர் ஊற்றி 4 விசில் வரை வேக வைத்தெடுக்கவும்.

* குக்கர் விசில் போனவுடன், வெந்த பயறு கலவையை ஆற வைத்து மிக்ஸியில் போட்டு விழுதாக அரைத்தெடுக்கவும்.

* அடி கனமான ஒரு பாத்திரத்தில் வெண்ணெய் போட்டு சூடானதும் பூண்டைச் சேர்த்து சிவக்க வதக்கவும்.

* பின்னர் வெங்காயத்தைச் சேர்த்து நன்றாக வதக்கியதும் அதில் அரைத்து பயறு விழுதைப் போட்டு, தேவையான அளவு தண்ணீரை, உப்பு சேர்த்து கொதிக்க விடவும்.

* ஒரு கொதி வந்ததும் அடுப்பிலிருந்து இறக்கி வைக்கவும்.

* ஒரு கிண்ணத்தில் சூப்பை ஊற்றி, அதன் மேல் மிளகுத்தூள் தூவி, சோள சிப்ஸ் அல்லது கேரட் துண்டுகளோடு பரிமாறவும்.

* சத்தான சுவையான பச்சை பயறு சூப் ரெடி.

Leave a Reply